Coffee meets bagel （CMB）第二次約會

工作到夜深，可能呢晩要通頂了。躺在公司梳化上開下 dating app （我冇校到 notification），CMB 傳來了 Belle （假名）的訊息。

目前為止在 CMB 我只遇過2個女仔主動打開話題，Belle 便是其中之一。（另一位和她聊了一會，她覺得我不是她杯茶便冇覆我了）

簡單傾左幾句覺得佢個人又 nice 又開朗，但太攰了便約她遲D再傾。後來幾日都持續在 CMB 傾計，講東講西，好快便交換了電話轉 whatsapp 傾。

到左禮拜一，已經識左一個星期有多，想約佢食飯，正打算 send message 給她之際便收到她的早晨訊息，約見面或飲杯咖啡。我當然爽快答應和她夾時間。

最後約了在一間泰式餐廳見面

我又係早D去攞位先，今天著得肆正D。在餐廳裡等她。不一會， 她便到了。

Belle 35歲，從事金融工作，樣子可愛又笑得甜，生得高且衣著十分端裝。

面對面傾落其實唔算夾，比起她我收入低且不穩定，興趣又不太一樣，我和她算是兩個世界的人。但她多野講又嘗試一起找話題一齊講，而且她又好似係 Kai Kai 地果類人，同佢傾計呢一晚我又開心又感動。

我會盡全力和她相處，但真的沒有自信她會喜歡自己。在此係想講覺得 Belle 係真心又有誠意想識人，唔係人地口中果D眼角又高又挑剔的拜金港女喎，而且在此提議各位女士一句，加一分主動，能令男士十分感動，好抵的。（但如果對方是貪得無厭的賤人便不適用）

果晚 CMB 問我 "Did you two meet up?" 我好開心咁剔左 Yes!

兩段6年情

尋晚約了 Ruby （假名）晚飯，她是我之前拍了拖六年的女友。有人問單身男女之間會唔會有親密的純友誼？我而家會答如果大家拍過拖，發現真係冇可能係埋一齊，就會有呢種可能。Ruby 同我就係咁，兩個都單身，有時會一齊食飯同睇戲，又會傾好私人既野，但就唔會再係埋一齊。 

果晚佢如常一邊食飯一邊狂玩手機，我真的好難接受另一半係沉迷手機的人，不過唔係成日見佢，而且佢咁同我相處最適服就算了。吃完飯我通常都送她回家，回到家附近會像以前拍拖一樣， 一齊行超市買野……感覺和她一起很自然，又知道佢鐘意 D 乜唔鐘意 D 乜。

送完她返屋企便自己回家，途中覺得感情真脆弱，六年都可以冇結果。有朋友話我難逃七年之癢，但我地係係冇第三者介入下真係覺得對方唔係結婚對象而分手的。而且分手後好似雙方都一直冇再拍拖。

如果呢個 Blog 竟然有讀者，我係度真心分享幾句，好老土咁講「人生有幾多個6年？」我之前同阿丘（第四集）都拍左拖 6 年，其實佢真係好啱我，果次係我第一次拍拖仲好後生唔識珍惜冇左，後來拍過d散拖就到同 Ruby 的 6 年，就咁就過左十幾年，在一般情況下，我想我不會再有下一個 6 年了，可能頂多拍兩、三年拖就要同個女仔諗結婚（因為唔想找太後生的女仔，如果32-36歲的女生就會擔心生小朋友的問題），人到中年先覺得時間真係會將你既青春同機會偷走，唔會再有機會比我「再來一次」。

諗到呢度就會覺得自己有D似許鞍華《黃金時代》𥚃面的蕭紅既性格，一世人其實都冇乜點成長過，只要有得做自己喜歡既事就 OK，由青春期轉眼走到中年，才開始發現身邊的人已結哂婚，過緊一D同自己完全唔同既生活，自己心態則仍然漫步在「青少年」的那片草坪（像巜哈爾移動城堡》中哈爾內心深處那有間小石屋的草坪），一直沒有離開過。

講返 Lunch Actually（LA）

Google 過其他相睇公司，發現呢間公司比其他貴（1/3至1/2），不過看上去 LA 的網頁和服務比較轉專業和正經，更重要是我覺得選這家公司的女孩子在品味和性格上應較適合自己（其他一些公司提供什麼風水轉運法，個人不信風水也不太想另一半喜歡這類型的東西）。

同屋企人、阿丘同其他朋友商量過，雖然價錢貴但如果7000可以換到眞愛好似值得喎。

最後決定遲d去比錢參加。

Dating App Review: lunch click（LC）、coffee meets bagel（CMB）、okcupid（OKC） 比較

現在正值新年，先在此祝大家身體健康，有情人終成眷屬。

轉眼已用兩個月 Dating App 了，Review 下 3 個APP，如有錯漏請網友指正。

A. 先來個人戰績小總結。

成功約會人數，實在羞家

LC: 1

CMB: 1（將在往後的篇幅撰寫）

OKC: 0

曾試過在 chatroom 詳談的人數

LC: 1

CMB: 5

OKC: 3

B. 3 個 app 的優、缺點

1.lunch click 

優點：1. 爽快剔選合眼緣對象，而且互 like 後沒有時限，遲d先約出黎見都得。

           2. 不會顯示你的 on-line status 和別人不會知道你看過她／他的 profile

缺點：

1. 用家人數不算多（不知道是優點還是缺點）

我用了兩個月覺得好像冇乜新人了。可能因為 App 要求真確資料嚇走一些冇誠意的人，呢點真係有辣有唔辣啦！

2. 冇 chatroom 限制太大

我覺得鍾意玩 App 內預設選擇題的用家不多，大家係冇乜溝通的情況下，好難擦出想約對方出來見面的火花，這點 app developer 可能要諗諗計了。

3. 容易爽約

其實除了在此 Blog 紀錄過被放了一次飛機的經歷，我還約過兩個女仔，但她們在約會前一天都將約會取消了，佢地冇再提出約會，我都提唔起勁再約了。

補充：在第二集中提到每天 App 會向你介紹兩位異性，最近變成每天一位。不知為什麼呢？

2.coffee meets bagel

優點：1. 用家多、有 chatroom

           2. 不會顯示你的 on-line status 和別人不會知道你看過她／他的 profile

缺點：1. 需要速戰速決冇得拖，chat期一過一切便灰飛煙滅

補充：我 download app 至今都是每天有 21 個人介紹給你，但我其他 friend download 後就每天只介紹一個人給他，點解差別咁大呢？

3.okcupid

優點：1. 用家多、有 chatroom

           2. 用家 profile 比較 detail，容易打開話題

缺點：1. App 會顯示你的 on-line status 

           2. 別人會知道你看過她／他的 profile，甚至看過幾多次都知

因為 OKC 以上兩個缺點，令我好少用呢個 app，覺得私隱度好底。

C. 總結

雖然之前花了不少篇幅寫 LC，但用了接近2個月，個人覺得 CMB 比較好，私隱度高，程式設定有心思，因為其實傾幾日差唔多知道對方岩知對對方有冇興趣，之後個 app 都迫你問對方拎 contact。

不過 CMB 對果D只係間唔中開 app 既用家黎講就擇洗D。可能仲有說話未曾講，已再連繫唔上了。

Lunch Actually 價錢及服務

那天到 Lunch Actually 跟那裡的職員傾談了約 2 小時。主要係佢將你的基本資料、感情經歷、對下一段感情的期望，以及擇偶條件輸入他們的 database，最後先至同你講價錢。我建議各位如果收到呢類型電話，眞係要好有興趣先上去，如果唔係無啦啦同人地傾咁多私人野就唔好啦。

好，事不宜遲，先講講這家公司的服務和價錢

服務：

為客戶提供為期一年，一對一的 ”Quality match”（該公司聲稱是人手細心 case by case 咁配對）。但因為是 Personality match 所以兩方見面前係冇樣（相）睇既，加上要尊重個人私隱，所以係見面前，有好多 detail 公司都唔會透露比客知既，只有信佢會幫妳/你找注好人家。

價錢：

三個Plan

Plan A：~HK$7000，一年內安排 5 次相睇

Plan B：~HK$8000，一年內安排 9 次相睇

Plan C：~HK$15000，一年內安排無限次相睇

以上價錢只供參考，因為我估係海鮮價而且又好似有團購之類的其他購買方式，聽說女孩子有另一種plan會再貴的

公司對我的意見：

經過2小時訪談，公司認為我是有責任心和忠誠的人，缺點是衣著欠佳和沉悶（為了工作令生活缺乏情趣）。真慘...不過都覺得佢講得岩既。

評價：

過程滿意愉快，職員表現專業友善。而且上網查過，職員也跟我說唔係個個客都受，簡單來說就是客人本身條件不「太」差，同時要求不「太」高，才受理，這點某程度可說是保障公司同客人的雙贏做法。

7000蚊見5個人有D貴，各位，我應唔應該參加呢？自問不是筍盤，錢同身材都冇，為左攪間公司耗盡哂精力時間，連娛樂都好少。

給自己一個星期冷靜下便決定吧！

失敗者的檢討

一直以為自己算善於相處，懂得看別人眉頭眼額，未試過比人咁拒絕法，所以Trina 事件都比我幾大打擊。是時候檢討了。

一．太肥

因為工作壓力和運動量不足，已經成為一件「厚切餐肉」。其實有時間就去運動，但減肥效果麻麻

不過在 Dating app 中我的相片已經係真面具示人，其實我樣貌和身型係點佢已經好清楚啦，點解見面先覺得唔對路？唔通我上鏡靚過真人好多自己唔知？

二．太急進

Trina 其實係慢熱既人，諗返佢都提過我幾次，佢希望我地由普通朋友開始慢慢黎，但我心態已經當左佢係女朋友，每天晚上我都會 send Whatsapp 比佢同埋同佢傾電話，而且我又同佢講過話覺得同佢好夾，覺得佢好適合我，可能佢覺得我太急進嚇親？

三．衣著馬虎

因為真係覺得同 Trina 好熟所以見面當日我冇 gel 頭，同埋只係求其裇衫牛仔褲舊波鞋，裇衫仲有d縐。

四．餐廳選擇馬虎

返復再諗，果間餐廳係唔啱用黎溝女，太平實了，得飯同麵一啲小食都冇。第一次見面都係㨂間好D既先得。

返而比女仔放飛機果次（第 3 集）我著得好好多，點解我對 Trina 咁有好感返而做得咁差呢？我覺得自己衰在「坐定粒六」！邊個人唔想對方整齊清潔，有型有款 / 清新美麗 咁見自己？

綜合以上死因，我為自己定立幾條規則：

一．約會一定要執正d，要去買d新衫新鞋了（已經幾年冇買過新衫）

二．要主動但唔好心急，淡定有錢淨

三．增加運動量，對身體都有益

四．約會地點要精選

正在檢討的時候， Lunch actually （Lunch Click 的母公司）的職員打電話來，問我有冇興趣上佢地公司傾下計，做個分析咁話。我心想推銷時間到了，Lunch Click 比佢地用黎搵 potential client，但我又真係有需要喎...記得之前 Leslie 團購都買過類似既服務，加上呢間公司又撮合過官恩娜同醫生喎，不如上去睇睇。

少女心事－－到底衰乜？

星期六我約左佢係間日本餐廳食晏（食完晏後各自有節目），呢間日本店係我自己去開的中低價家庭式餐廳（set lunch約78-88，免加一），因為覺得已經同 Trina 好熟唔洗扮野，而且我事前講明佢都話 ok。

約佢係地鐵站等就上餐廳，大家都準時，一路都有講有笑。上到餐廳看看 menu，不妙！唔記得原來佢午餐係冇小食既，得定食（飯飯麵麵），而 Trina 又唔食生野（不過佢話鍾意食日本野），攪得冇得推介店內一些好味的小食，冇計，Trina好快都揀左食乜，點餐之後就繼續傾。講東講西都冇乜 dead air，又到左佢下場節目了，埋單後我送左佢去搭車。Lunch click send message 過來問約會約成點，我比左 5 分滿分。

下午 whatsapp 來回了一兩句問候，晚上我問 Trina 之後的節目和晚飯開唔開心。平時爽快回答的 Trina 收到 message 後過了良久，發來以下訊息：

「Danny，很抱歉，我還是覺得大家不適合當朋友。祝你快樂安好」

吓！突然死亡？我太蠢了，竟然完全睇唔出！

跟住佢仲 block 埋我個 whatsapp，咁大個人都係第一次。

小弟到底衰乜呢？